بنــك الثــــــوره والتعميــــــــر !

من اقوى النظريات التاريخيه والتي اخترعها "عادل امام في مسرحيه شاهد ماشافش حاجه" - وهي اسم على مسمى وتثبت صحه النظريه - هي "نظريه قالوا له" تلك النظريه بيطبقها الناس "الفتايه" لما يتزنقوا في جهلهم ! ، يعني مثلا تطبق تلك النظريه وبشده على خرافه ان الطفل المصري "حاد" الذكاء حتى سن السادسه - سن دخوله المدرسه - ومن بعدها يبقى ذكائه "تلم" ! مع ان  مفيش سبب علمي ولا واقعي يدل على كده ! بس هي كده قالو له ! والدليل كميه الافكار اللي كل يوم بتطلع واللي بتصتدم بالروتين ! واللي بتحاول تعلي صوتها لانتشال البلد من الخراب اللي فيه بس ولا حياه لمن تناني ، تنادي بس للجهله واصحاب افكار الهرتله ! الهرتله اللي بتقف في وش اي فكره ذات عائد اقتصادي وادبي محترم ! تلك الافكار اللي خارج الصندوق التي تختلف عما تعاني منه البلد من من افكار داخل "صندوق دفن الموتى"! افكار هنا وهناك في كل المجالات وعقول قادره على انها تعمل من "الفسيخ شربات"! يبقى نظريه الذكاء اللي بيبقى "تلم" دي ملهاش اساس من الصحه وحدلل على كلامي ده علشان ميكونش هرتله ... اتفضل معايا بس ادخل برجلك اليمين J :-

·         فكره د/ محمود عماره مشروع "نهر الاهرام" فكره سياحيه - علشان تبقى خيرها لينا كلنا بجد!-  وهي كالتالي أن السائح سينتقل من ميدان التحرير إلى الأهرامات بمركب من ماسبيرو إلى  ترعة المنصورية الموجوده بالضفة التانيه للنيل أمام مستشفى المعادى العسكرى ثم يركب جندول أو لنش من أول الترعة  - اللي على ضفافها مطاعم ومقاهى وفنادق نجمتين وثلاث نجوم - حتى نزلة السمان أمام أبى الهول وكل ده بعد تنظيف الترعة من أكوام الزبالة والحمير الميته ! ، وتم عرض المشروع على خمسين جهة من هيئة تنمية السياحة إلى وزارة البيئة وانبهر الجميع - كالعاده اووووه عظيم  - ووافقوا وتم إخطار وزارة الرى والمفاجأه ان الوزارة قامت باتخاذ موقف "حفظ مش فهم" انها قامت بتبطين وتسقيف الترعة بالمسلح ! ليه يا سيدى؟ لأنهم قبل الثورة كانوا تعاقدوا مع مقاول ودفعوا مقدم على الهدم والتغطيه ! وعلشان فلوسنا كتييره والفاسدين اكتر ستقوم وزاره الري بدفع 30 مليون بناء، و20 مليونا للهدم ! ولما تحاول تسأل تلاقي اجابات اغرب واضل سبيلا واقرب الي "العبط" أصل إحنا وقعنا العقد خلاص مع المقاول.. طيب يا سيدى ما تعطوه شغلانة تانية بالقيمة نفسها.. لأ مش ممكن لأن القانون لا يسمح بتغيير المقاولة !! ياحالولي بيقولي اضربي ياحلولي شغلانه دي تعجبني ! . حكومه حافظه مش فاهمه ! فالحه بس في الهرتله وانها تعمل عنتر جبنه وتزعق بااعلى صوت "لالالالان نركع "! .

·         فكره  جواز بالاشتراك يعني كل واحد في المجتمع يدفع جنيه مثلا على مكالمته كل شهر ونجوز الشباب بدل ماهي جرائم التحرش بتزيد والعنوسه بتتضخم ! وبذلك تحقق الكلمه الاكثر شهره في افلامنا الكلاسيكيه "احنا يابني بنشتري راجل" تلك المقوله التي تطبق بقوه بعد ان يكون الراجل "كامل من مجميعه" ! ، والشباب يحقق اول درجات الاشباع في هرم ماسلو J وهو اشباع الحاجات الفسيولوجيه ،  ومتقوليش ده دور الحكومات في الدوله لأ لان اللي يعتمت على الحكومه يبقى حيبيع ولاده ده لو اتجوز اصلا !.  

·         فكره سياره تطير في الجو تعالج مشكله "الخنقه" المروريه اللي بقى عادي انك تروح شغلك - اللي هو جنب بيتك - في ساعتين وترجع في اربع ساعات ! ؛ فكره اسياخ حديد تسليح مصنوعه من مادة البلاستيك وبجميع المقاسات والأحجام والألوان المختلفة هذه الاسياخ  بديل عن حديد التسليح وتعادله في الجودة فلا تتمدد ولا تنكمش ولها قوة تحمل عالية وهي أفضل منه لأنها لا تصدأ ولا يحدث بها بارومة‏,‏ ولا تحترق لأنها بمجرد أن تتفاعل مع الأسمنت تنتهي خاصية الاشتعال‏ J الحكومه بقى غير مهتمه لانها بتهتم "باسياخ الحديد" لان تأثرها "اشد" للمواطن !.

دي كانت بعض الافكار اللي لها واقع مادي واجتماعي يمكن تعالج البلد من السلبيه اللي هي فيها دي والجهل والخرافات ومرض تضخيم الذات اللي من عينه "اصل احنا كده لان امريكا واسرائيل مش عايزانا اقوياء والعرب بيحقدوا علينا ، وان ربنا غضبان علينا ! تلك الشماعه اللي بنعلق عليها فشلنا جنب ملابسنا "يوم الخميس"!  طيب فين العزيمه والاصرار ولا البلد بتعمل رجاله على ولادها بس !. بس الاهتمام بالافكار دي" فرض عين" لان مش حيقوم لنا قومه الا لما نعمل بنك للافكار يجمع كل الافكار دي وتبقى لها رعاه رسميين يرعها مادي ومعنوي لان لا خير في أمة تأكل مما لا تزرع وتلبس ما لا تنسج وتركب ما لا تصنع .


المقال على مجله البوسطجي 
http://www.elpostagy.com/more.php?id=928&mi_id=358