سرق وافســـــــد ونهــــــب المليــــــــــــارات
وساب الشعب جعان لحد مابقا من الامــــــــــوات
استفــــــــــاد هـــــو مع شويه بهلونـــــــــات
بهلونات سرقوا اراضينا وعملوا احتكــــــــارات
اشي حديد اسمنت بورصه وكمـــان عــــــقارات
المهم بلدنا مش حتقف على التافهين دول – اللي في القائمه المهببه- لانهم مش حيقدموا بس حيأخرونا لو فضلنا نهتم بيهم ونعملهم حساب حنتأخر اكتر واكتر و دول اصلا انصاف بني ادمين واكل عشهم مننا احنا اصلا ودورهم انتهى خلاص لان دورهم كان" طبال الريس " ايام الفساد وايام الفساد راحت وبطبيعه الحال هما كمان حيرحلوا معاهم والمثل الصيني بيقول " اذا مات السيد فقتل كلبه لانه لن يكون وفيا لغير سيده" ومش لازم يكون رحيل مادي بس هو رحيل معنوي لان الناس مش حتيق تبص في وشهم فالتالي حنسيب التاريخ يقول كلمته والتاريخ حيحاكمهم صح وحكمه قوي ومعندوش رحمه ورادع لاي حد يعمل زيهم ويتعلموا ان قول الحق واجب على كل انسان مهما كان السبب والضغوط وبلاش يبرروا قولهم بانهم لم يكونوا يعلمون ودلوقتي "فهمتكم ...فهمتكم " لالالا فات الميعاد على راي الست ام كلثوم احنا ياشباب عندنا شغل كتييييير جدااا لبلدنا وعيزنها من افضل بلاد العالم في غضون فتره بسيطه بسرعه 1 ميجا تتناسب مع سرعه عصرنا الذي نعيش فيه لاننا لو فضلنا نبص على توافه الامور حنغرق ومش حتقملنا اي قومه وحيسخر منا النظام القديم ويشمت فينا ويحاول يخرب البلد تاني زي ماهو عمال يكمل فساد حتى بعد رحيله وانظر الي الفتنه الطائفيه اللي عمال ينفخ فيها علشان البلد تولع !!! وشوف الاعتقالات اللي شغاله وشغل التلات ورقات اللي عمال يعمله لايقل سفاله عن اعمال القوادين .... حاجه كمان انا مقدر كل واحد بينزل الشارع لينظفه بس ياشباب ده مش دورنا ده دور عمال النظافه وهما خليقوا لذلك وهو ده دورهم وليس دورنا لان" كلا خلق لما هو ميسر له " انت اتعلمت دور ازاي بقا تستخدم تعليمك في اصلاح ونهضه البلد واذا كنت تحتاج الي زياده في التعليم ايه المانع؟؟؟ علم نفسك وثقف نفسك على قد ماتقدر العلم ملوش نهايه اينشتين بيقول " الثقافة هي ما يبقى في ذهنك بعد أن تنسى كل ما تعلمته في المدرسة" دور جو نفسك بنفسك واخلق رؤيتك ورسالتك بنفسك شوف انت موهوب في ايه ونميه واحترفه مش بس تنجح فيه لآلآلآ تكون محترف ومبدع فيه كمان وتفيد بلدك به سعتها مش حتلاقي وقت تضيعه لانك اما بتستخدمه في تعليم نفسك وتطويرها واما بتفيد الناس وتعمل على الاصلاح وسيبك من قال فلان وعلان وترتان ولا الراجل اللي ورا عمر سليمان الناجحين ملهمش دعوه بحد يعملون في صمت "فإذا كان أ= النجاح . فإن أ = ب +ج + ص. حيث ب=العمل. ج=اللعب. ص=إبقاء فمك مغلقا "ً بلدنا محتاجه الي عملنا مش بس مجرد تنظيف الشوارع والميدان وعمل قوائم مهببه ونقول ده معانا وده ضدنا فهذه طاقه غير مستغله لازم يتم استغلالها في المفيد وفي جعل بلدنا ام الدنيا وابوها كمان وكمان ياريت نبطل شويه الاغاني الحماسيه اللي مش محطوطه في مكنها لما نشتغل وننتج وقبلها نفكر ونخطط لبلدنا سعتها ياتي دور الاغاني لاعطائنا الحماس وتخلينا شعله من الحماس لا تنطفئ ابدااااا حشرحلك وجهه نظري بمثال يعني عندما وضع عبد الناصر الخطه الخمسيه لمصر 1960- 1965واللي طلب فيها الرئيس الراحل عبد الناصر من الاقتصاديين والمفكرين وضع خطه خمسيه لعمل تنميه صناعيه شامله تنهض بالبلد الي الامام حيث حقق اعلى معدل للتنميه وهو 7% ( سبحان الله فرق كبير بين ال7% بتاعه عبد الناصر و ال7 % بتاعه مبارك ) وكانت لتلك الخطه اثرها على الحركه الابداعيه في البلد فظهرت الاغاني الوطنيه في البلد زي اغنيه صوره لعبد الحليم حافظ وزاد حماس الناس اكتر واكتر واصبح هناك علاقه بين النظام الحاكم والشعب والتقدم للبلد وجسر هذا كله هي الاغاني الوطنيه الحماسيه يعني نحط الحصان امام العربيه مش العربيه امام الحصان لكن دلوقتي نغني على ايه من غير اي شغل نتحمس له ولا اي خطه !!! ومكنش في الا المباريات واللي انا اعتقد ان الناس كانت بتجدد وطنيتها وتشعر بها اثناءها لانها للاسف لم تجد شئ اخر تفرغ فيه ذلك الحماس وتلك الوطنيه لكن دلوقتي خللاص كل شئ حيرجع لموقعه وحجمه الطبيعي ونخلص من تصريكات ابو تريكه المستفزه بان لعيبه الكوره هم بس الذين يمتلكون الحق الحصري لفرحه الشعب المصري!!! المهم انت بقا ركز وسيبك من التافهين.
