لما تبص على بلدنا في كل شئ حوليك تحس انك عايش في بلد بتطمح انها تكون متقدمه ولكنك بتصدم لما تقارن بلدنا بلد اللي بيحكومونا- من اجلك انـــــــــــــت - بالبلاد الاخرى وكتير من حكامنا بيحبوا المثل الشعبي الدارج "اللي يشوف بلوه غيره يهون عليه بلوته " فلما الناس تشتكي يقولوا احمدوا ربنا على اللي انت فيه ده في بلاد اخرى مش لقيه رغيف العيش !!! – اهااااا رغيف بالمسامير - وهم فاكرين انهم بيمرسوا معانا ديموقراطيه وفي الحقيقه انها ديمقراطيه كده وكده فكل حاجه في بلدنا كده وكده من اول مانتولد لغايه لما نموت....فمن اول المستشفى اللي بتتولد فيها تلاقي علاج اي كلام وبرده هو علاج كده وكده ...تكبر شويه وتروح المدرسه فتتكشف انك بتتعلم تعليم كده وكده لايغني ولايسمن من جوع وانك "ضيعت " عمرك كله في شئ لم ولن يضيف اليك اي شئ وتلاقي نفسك شغال فرد امن – دعوه وزيره القوى العامله في ان شباب الكليات النظريه يشتغلوا افراد امن – طب كانوا اهلينا بيعلمونا من الاول ليه !!!! تتخرج بعد كده تلاقي الحكومه بتعلن عن وظائف وهميه وكلها كده وكده وهم كل اللي بيروجوا ليه ارقام على ورق لاتحمل ولا تعكس اي معنى فيقولوا ان معدل التنميه 5 % وعندهم امل انه يرجع 7 % !!!! طب مش من الاولى بدل ده كله يقولوا ان في 40% تحت خط الفقر وهدفنا اننا نوصل الي معدل 20 % في فتره كذا !!؟؟؟ نيجي بقا الي المعلم الكبير الرديح - السياسه سابقا- الحكومه بتقول ان في ديمقراطيه – طبعا ده كلام اعلانات – وان الشعب عليه ان يختار !!! طب باماره ايه !!؟؟؟ دول طبقوا الحكمه الشعبيه القائله " الجنيه غلب الكارنيه " وتسعيره الاصوات اللي كانت من 300 جنيه الي 700 جنيه !!! كل ده كوم والانتخابات الرئاسيه كوم تاني لاني بحس انها فعلا مسرحيه كوميديه والمثل المنطبق عليها هو "ماالسياسيه الا مسرح كبير " فهم علشان يظهروا للعالم ان احنا عندنا ديمقراطيه قال ايه جابوا ناس لانعرف عنهم اي شئ وحطوهم امام الرئيس وطبعا كان الرئيس مبارك احسنهم طبعا كل ده علشان انتخابات كده وكده !!! ولسه ياما في الجراب ياحاوي محدش عارف الانتخابات القادمه حيعملوا ايه ؟؟؟؟ اما بقا عن الاستثمار وطرق جذبه فهي اكبر حاجه كده وكده فهم يجذبوا لينا " زباله" العالم في الاستثمار في صناعات مطروده من بلاد العالم وعلى راسها السيراميك والاسمنت !!! ده غير طبعا الاساطير اللي عاملين نطلعها على بلدنا وشعبنا في انه اطيب شعب – بالمناسبه معدل الجريمه وصل الي31% - وان بلدنا اجمل بلاد الدنيا – مصر ترتيبها في السياحه العالميه حاصله على المركز24- وان اللي يشرب من مياه النيل لازم يرجع تاني ده على اساس ان النيل ده بتعنا احنا بس !!!؟؟؟ ده بجانب التدين المظهري اللي يبين اننا احنا كمان شعب متدين كده وكده فعدل التحرش الجنسي وصل الي 71% ده غير ان معدل الجريمه بيزيد في شهر رمضان شهر الهدى والغفران الي 20 -30% كل ده يبينلك ان بلدنا ماهي الا كذبه كبيره .. كذبه قمنا بتأليفها وترويجها وصدقناها لوحدنا واقنعنا بيها نفسنا بس مش بلاد العالم فمهما نعمل بلدنا هي هي بكل مافيها كده وكده.
فعلا والهى كلو كدة و كدة و اى كلام و خلاص و ارضى بلفليل و امشى جنب الحيط تكسب و يا عم احنا مالنا خالينا فى حالنا , عيش على قدك و ارضى بهمك و اوعى تطور لية هتفكر و كفاية اننا بناكل و بنشرب و مستورين على اية وجع الدماغ و الزن كفاية اننا واكلين شاربين نايمين و مكبرين الجمجمة و على راى دبور كبر الجى و روق الدى , مقال حقيقى و واقعى جيدا اهنيك علية
ردحذف