الحق يقال بان الشرطه بتقوم بدور عظيم في "خدمه النظام" وشويه من الشعب المصري العظيم - كل شعب متخيل انه بس الشعب العظيم بس ماعلينا - ولكن بدا الدور ده يتراجع - دور خدمه الشعب طبعاااا - وبما ان كلمه يقال دي- على سبيل الافتراض - تصريف كلمه اقال – يقال يعني الحق تم اقالته لان الشرطه لم تعد تقوم بخدمه الوطن ولا حتي الشعب !!! وكان شعارها الاساسي هو الشرطه في خدمه الشعب تغير لان الظاهر ان عددنا كتر- وقفه مصريه - والشرطه مقدرتش تخدمنا الخدمه الواجبه عليها فاصبح الشعار هو الشرطه والشعب في خدمه الوطن وانصرفت الشرطه عن خدمه الشعب من حمايته من البلطجيه والحراميه ونشر الامن في الشارع وبقت تهينه وتجرحه وتتحرش به وتعمل فيه اللي هي عيزاه وكمان تحمي النظام منه ... فانا كنت بتفرج على التليفزيون كأي مواطن عادي رأيت خبر مش عادي ان مندوب شرطه قام باطلاق النار على ناس لايعرفهم ولا يعرفوه بشكل عشوائي والمدهش في الامر انه قال بانه كان مضايق شويه ياااااااااسلام!!!! هي ارواح الناس بقت كده هينه ولا علشان احنا شعب مش عارف ايه حقوقه وممكن بعد كده يقولوا اصل ده كان مجنون اااااه اصل دي حجه البليد كل لما يعجزوا يقولوا اصل مختل عقليا طيب هي الشرطه حتعين حد مجنون برده !!!؟؟؟ ومع ان وزاره الداخليه هي اكتر وزاره يتم الانفاق عليها اكتر حتى من وزاره التعليم !!! وبرده بتحصل كميه حوادث ملهاش عدد منهم على سبيل المثال وليس الحصر لانهم كتيييييير حادث كنيسه القديسين في الاسكندريه طب كان فين الامن لما القاعده حظرت الكنائس المصريه بضربها وطبعا احنا سياستنا هي سياسه الرد فعل قالوا بانهم حيضعوا كاميرات مراقبه للاسكندريه بعشره مليون جنيه بالزمه ده عقل !!؟؟ وحادث التفجير اللي حصل في حي الحسين!!! ده غير عمليات التحرش اللي بتحصل في الشارع في وسط البلد ومفيش امن يمنع ده كله ده غيرالمناظر المقززه اللي على الكورنيش وكله في غز النهار فين بقا الشرطه على شان تريحنا من المناظر دي !!!؟؟؟بس بعد ده كله طيبين ااوي ياخال على راي عادل امام في مسرحيه الواد سيد الشغال مهو محدش يضمن حاجه اليومين دول ...يالا بس حنرجع ونقول ان الشرطه والشعب في خدمه الوطن اصل ده امر واقع لا مفر .
ليست هناك تعليقات:
إرسال تعليق