1- ان الحريه كنز لايفني فالجواز بيجعل الواحد يخصر اغلى شئ للرجل وهي حريته اللي تساوي عند البنت شرفها فحريه الرجل زي عود الكبريت لو ولع مش ممكن ينطفي ابداااااااااااا.
2- تقول انا عايزه اتجوز راجل يكون ليا بالدنيا كلها ولما يجي الراجل تطلب منه الدنيا كلها وتقوله انا عايزه هات وهات وهات من يوم الارتباط حتى الممات وتتأمم كل املاكك ومرتبك يابرنس ويبقى في حسابها الخاص !!
3- الست واخده براءه الاختراع في كيفيه تحويل الحياه الي كتله من العكننه . نفسي اعرف ازاي بتعملها!!!؟؟؟
4- الرجل واقعي وتفكيره منطقي وعقلاني لكن الست تعملك من البحر طحينه ولاتجد رغيف تغمسه بيها وكمان الافجر من ده كله انها تقولك نتجوز وبجوز جنيهات نأكل اللي احنا عايزينه وكمان ايه نحلي بغزل البنات شوفت اكتر من كده خيااااال علمي طب ده حتى السكر غلي هو كمان!!!. تقولك شباكنا ستايره حرير اسبوع وحياتك تلاقي نفسك تحت السرير . من ريحه البصل طبعااااا مش من حاجه تانيه!!! - العبره في الصلابه - انا مره خطيبتي بعد يومين من خطوبتنا رحتلها البيت زي اي عريس فرحان بخطيبته ولقيتهالك يامعلم لبسه اي كلام ولفه راسها مش عارف بأيه وبقولها ايه اللي انت لبساه كان مبررها ايه تخيل- يارتها مردت- تقولي اصل انت حتشوفني بعد الجواز كده قال ايه بتحضرني علشان متخضش طب مش تحلي البضاعه لغايه الزبون لما يدبس ويشق البطيخه وعلى البركه على راي الكنج كونج !!!!.مفيش تفكير استراتيجي خاااااالص. الحمد لله ربنا نجاني .
5- مطالب انك تكون ذاكرتك من حديد وفولاز وتلعب على الاقل 20 مره صودوكو علشان ميجلكش زهايمر وتنسى المناسبات السعيده اللي بينكم وبعدين يامان في مليون مناسبه يعني حنفتكر ايه ولا ايه ؟؟؟ دول عالم فاضيه ياجدع يعني خد مثلا على سبيل المثال مش الحصر اصلهم كتيييير اوي مناسبه اول مره اتقبلتوا فيها طب دي بالزمه مناسبه حد يفتكرها دي بتفكر الواحد انه مغفل اااوي عااااا وعندك مناسبه الجواز ودي مناسبه برده!!! مره واحد بيقول لمراته انت عارفه احنا بقلنا اد ايه متجوزين ؟؟؟ قالتلوا 25 سنه ياحبيبي قالها ده كان معاد خروجي من السجن لما ابوكي خيرني اني اتجوزك ولا يحبسني ...قلت اتجوزك .... مغفل!!.و طبعا لازم تفتكر النحله اللي جبتلك العسل ده حماتك طبعا - حماتك مدوباهم اتنين - طبعا هي نحله بكل الاوصاف يعني مشربه بنتها ازاي تمارس رياضه الزن عليك وتقولها الزن على الودان امر من السحر- فعلا حما + حما يبقوا حمتين دا انا اطيق العما ولا اشوف اتنين على راي اسماعيل يس الله يرحمه- وطبعا انت علشان تخلص دماغك بتستجيب على طول ... والله احنا لينا الجنه .
6- دائما الستات بيخلقوا اساطير حوالين نفسهم زي اليهود كده يعني تقولك احنا جنس لطيف - يالطيف الطف يارب - لطيف ازاي!!! ده مفيش مصيبه الا ولازم تلاقي فيها واحده ست دي خلت الاخ يقتل اخوه بسببها - قابيل وهابيل - فتش عن المراه يامعلم .وكمان تحسسك انها خايفه عليك وهي في الاصل خايفه على نفسها مين اللي حيتحمل المسئوليه من بعدك يابعلي !!؟؟وكمان تحسسك انك انت اللي صاحب القرار وهي في الاصل اليد الخفيه صاحبه القرار بس عليهم طريقه يخدوك بيها على مشمك لانهم عليهم (امكانيات) جباااااره .اساتذه يامعلم .وتقولك الموز احلى ولا الرمان ترد عليها وتقول التمر حنا (الله يرحم رشدي اباظه ونعيمه عاكف).
7- اااه واااه من كيد النساء ده غلب كيد الشيطان ( ان كيدكن عظيم ) ده الشيطان اللي هو مطرود من الجنه يامعلم اصلا كيده ضعيف ( ان كيد الشيطان كان ضعيفا) النساء قوه قتل ثلاثيه الابعاد .
8- الجواز ده بيكشف عن مثل مهم جدااا في تراثنا الشعبي اللي يشوف بلاوي الناس - اللي متجوزين - يهون عليه وحدته اقصد بلوته .
دي كانت مبررات رئيسيه ومنطقيه في ان الواحد يبعد عن الشر ويعمله فرح مش بس يغنيله هي الحياه ناقصه يعني!! يعني الواحد اهو كافي خيره شره وعايش حياته من غير زن ولا وجع دماغ يعني يشتغل بمزاج ويسافر ويشوف الدنيا هو العمر بعزقه ؟؟؟؟ وانا مش عارف الايام مخبيه ليا ايه يمكن اتهف في عقلي واحب واتجوز اصل عند القدر بيعمى البصر وحكمه ملوش استأناف بس لغايه لما اتهف انا حفضل اقول ياشباب العزوبيه اتحدوااااااااااااااااا
ليست هناك تعليقات:
إرسال تعليق