يقول ديل كارنيجي في كتابه الرائع "دع القلق وابدا الحياه " ان خير معلم في الحياه هي التجربه ! لذلك فمن خلال عده تجارب تعلم الثوار بان الاتحاد "وانضمام" الناس سوف يقوي من وحدتهم فرفعوا شعار "يااهلينا انضموا لينا " حتى يكونوا على قبضه رجل واحد وتضربت النظام في "وضع حساس" يؤدي الي وفاته. واثناء ذلك الانضمام هناك من اعرض عن الدعوه واكتفى "بالمشاهده" من البلكونه او على الكنبه الذي سمي بعد ذلك "حزب الكنبه" نسبتا الي صمته "ومشاهدته " ثم لايكتفي بالصمت بل ينعت الشعب المصري بالغوغائي والفوضوي كانه من كوالالمبور! بدون ان يفعل اي شئ تجاه البلد او على اقل تقدير لنفسه ! واصبحت "الاسطوانه المشروخه " التي يرددها في كل مكان حتى قلنا ليته سكت ! "هما اللي في التحرير دول عايزين ايه! ؟؟ هما اخذوا يعني راي 80 مليون مصري ؟؟" يذكرني هؤلاء "المشاهدين " بقصه موسى واتباعه مع فرعون حيث كانوا يعانون من بطش فرعون لهم ولما احدث الله المعجزه في انشقاق البحر وعبر موسى واتباعه وغرق فرعون ليصبح"ايه"- الظاهر ان عدم تعلم الحكام من اخطاء بعضهم عبر الزمان والمكان موجوده ولم تتغير !! - وعبره لمن بعده !! فرأوا قوم يعبدون إلـہ اخر غير الله قالوا لموسى عليه السلام "ياموسى اجعل لنا إلـہ كما لهم آلهة"!! يعني هؤلاء "المشاهدين" كانوا قبل اندلاع الثوره يسبوا ويلعنوا النظام واللي خلفوه ويشكون من الفساد والافساد المتعمد في البلاد ! ولما ربنا "نفخ" في صورتهم واحدث المعجزه على يد الثوار قالوا لالالا كفايه كده خربتوا البلد !! بس للاسف مفيش حلاوه من غير نار ومفيش تغيير لايت ! فحضرتك لاززززززززم" تشارك يعني انضم الي اي" حزب سياسي"- بعد طبعاااا ترك حزب الكنبه ! - يعبر عن افكارك واتجاهاتك الفكريه والاقتصاديه والاجتماعيه وحارب وتنافس على تحقيق اهداف الحزب التي تم الاتفاق عليها " بديمقراطيه" وشارك في صنع مستقبلك ومستقبل اولادك وياسيدي الفاضل حتقول "اصلي مشغول في الشغل والحياه" حقول لحضرتك اولا:- السياسه متداخله في كل شئ وهي اساس كل شئ فان صلحت صلح جسد الوطن كله. ثانيا:- العمل السياسي والحزبي ده عمل تطوعي يعني شوف الوقت المناسب لك وشارك فيه واتبرع بالوقت واللي تقدر عليه ساعتها حتتحول من "مشاهد" الي "مشارك" في صناعه القرار والاحداث ومستقبل يفخر به الاولاد والاحفاد بدل مالاجيال القادمه تدعوا علينا !! وكفايه "انتخه وطرمخه"!! وعند الانتخابات لاتقول لالالا مش رايح ! فاذا لم ترى اي شخص يصلح لان يكون ممثلك في مجلس الشعب او في الانتخابات الرئاسيه ابطل صوتك من الاساس يعني "علم عليه" لكي لايستغل في التزوير وشغل البلطجه كما كان يفعل من قبل !! ارجوا بعد الكلام ده الا تكون مصر على تمثيل دور المشاهد من بعيد لبعيد وتقول وانا مالي وانا مالي انا خايف على ولادي! لان الزمن والتاريخ علمنا ان اللي بيمشي جنب الحيط هو من يدفع الثمن غاليا ولو حضرتك مش عايز تشارك يبقى عايز ترجع بالزمن 30 سنه ويمكن اكتر بس لو عايز ترجع بالزمان قول للزمان ارجع يازمان !! بس للاسف مش حيرجع لان الطريق "وان واي" طريق المشاركه والاصلاح وليس المشاهده .
موضوع جميل جدا
ردحذف